Ова е една добра идеја и добар проект кој што недостасуваше на нашиот главен град. Mожеме да се забавуваме заедно со повеќе различни екипи. - Мухамед Зекири
Како општина секогаш ќе ги подржуваме спортските манифестации во интерес на младите и спортистите. Наша интенција е преку дружење да го градиме спортскиот дух и да потикнеме што повеќе младите да се насочат кон спортот. Верувам дека во месеците што ќе престојат во Хобо Фер Плеј лигата ќе има интересни натпревари и многу голови. - Стевче Јакимовски
Целокупната цел на проектот е да се зајакне улогата на аматерскиот фудбал во современото општество во борбата против расизмот, дискриминацијата и насилството и се стреми да ги надмине несогласувањата преку создавање на партиципативна и толерантна спортска култура. ЗСР Спорт Арена ТиМ го смета спортот, а особено фудбалот како клучна алатка за овој процес на социјален развој. - Влатко Тодев, претседател на ЗСР Спорт Арена ТиМ
Ова е еден голем и прекрасен проект каде се опфатени аматерски екипи и секако благородна и општествена мисија. Начинот на реализација е прилагоден за возраста на учесниците и секако ќе биде една огромна придовивка за аматерскиот фудбал. Лично очекувам навистина ова да прерасне во сериозен и долгорочен проект. - Светозар Станковски